🏠
候任暫托義工
貓 / 狗 / 珍禽異獸
喺有需要嘅時候,能接收治療或手術後、待領養嘅動物,俾佢哋一個過渡期嘅家。
- 需要有照顧病貓狗經驗
- 有義工經驗更好
- 可接收術後 / 康復期動物
- 貓、狗、珍禽異獸暫托均需要
- 非長期承諾 — 候任制,有需要才聯絡
術後動物可能需要餵藥、換藥、限制活動,亦可能有排洩及清潔工作。
我哋點解要咁做 · OUR STORY
一個 非常之不理智 的決定
經過呢五年接流浪、接棄養、治療、做手術、再尋家,睇返相簿 — 我哋已經幫超過三位數以上嘅小動物搵到屋企。
但而家棄養風氣盛行。我哋可能出一隻領養 Post,又會再吸引多幾個嚟查詢棄養。尋家之路從無間斷,棄養區籠位亦長期爆滿。
正所謂個個都籌錢,唔通個個都想籌錢咩?香港長期都有大量流浪動物需要救援,各個救援機構長期負數。
我哋有大量高昂醫療儀器及 CT、磁力共振等,仲有 10+ 位以上長駐醫生 — 又可唔可以再行多一步呢?同各位醫生商量之後,我哋腦細同醫生們共同做左一個非常之不理智嘅決定。
🌟 正式成立「流浪動物救援隊」 「永不公開籌款、永不告急」— 所有手術醫療費用由我哋醫院承擔,有力出力,有錢出錢。
本身以為咁癡線又會大增工作量嘅決定會有同事反對,但好出奇地,大家都非常願意支持。
本身以為咁癡線又會大增工作量嘅決定會有同事反對,但好出奇地,大家都非常願意支持。
歡迎監督 — 如有公開籌錢歡迎返嚟 binc。想支持下嘅,得閒經過請我哋醫生護士飲杯廢水就得啦 ✌🏻
唔敢話可以幫到好多,但係每個人都行多一步,就可以為動物界帶嚟改變。
